Open Society Instituto del drom nevo akharipe po bersh 2010 vash proposalura projektenge OSI Roma Dekada Kethano Fondo. Kado bersh, o fondo si puterdo karing aplikatzje kotar thema save si kotor andi Romani Dekada vash Inkluzja thaj save dzean pala e objektivura kotar Europako Bersh mamuj o Chororipe thaj Sotzjale Problemura.
Ando 2006, sar kotor kotar lako godorvalipe vash i Dekada vash Romani Inklusja, Open Society Instituto Romengi Initzjativa puterdeas jekh fondo ka te zutil neve projektura save buhlearen o djalogo mashkar e kulture thaj save keren provokatzja vash kodola bilashe dikhimata karing e Roma. Romengi Initzjativa shol kethanes love thaj pasha kadala love shon love vi e autoriteta, privatno fundatzje, televisja, publikatzje, thaj korporatzje.
Dzi akana, Romani Dekadako Kethano Fondo deas dumo vash buteder aver initzjative inzarde vash siklearipe, gendero, bukjaripe, kulturalo identiteto, ververipe, thaj mashkarkulture djalogo. Ande projektura kerdeape rodipe, konsultaztzja , zorardeape i buki ande organizatzje, grizaje kampanje, arta thaj fotographjaki ekspozitzja, dokumentara, puterde vakerimata, thaj seminara.
Soske 2010 si o bersh vash Europako Bersh mamuj o Chororipe thaj Sotzjalo Problemura, kado bersh Dekadako Kethano Fondo azukerel aplikatzje save dzean tal e objektivura phende kotar i Europaki Komisja:
- Prindzaripe vash o bazichno chachipe e manushengo save trajn ando chororipe thaj sotzjalo mardzinalizatzja save silen o chachipe te trajn pakivales thaj te len aktivo rola ando sotzjeteto
- Te buhlearelpe chachikanes o drom e manushengo ko sotzjalo thaj ekonomikane chachimata thaj vi ko resurse thaj kalitativo servisura.
- Te zorarel o publikano zutimos thaj kodo so mukel te paruvelpe o responsabiliteto vash sotzjalo inkluzjake polisje
- Te hakearelpe mishto ka atunchi kana o chororipe tziknearelpe thaj phagelpe i sotzjalo eksklusja anel barvalipe ande sea o sotzjeteto thaj zorarel sotzjalo koezja
- Te kerel provokatzja vash kodola stereotipikane ipoteze vash o chororipe, thaj nasul godzi savi si e manushen vashkodola mukle avreal o sotzjeteto
O fondo avela puterdo karing aplikatzje dzi ando Julje 31, 2010.
- Projektura trebal te avel len Romano komponenta thaj trebal te dzean pala e prjoriteta save si astarde ando Europako Bersh mamuj Chororipe thaj Sotzjalo Ekskluzja.
- E Roma trebal te aven kethanes kodolenzta save keren o projekto thaj save keren andi praktika e projektura.
- O akharipe si puterdo numa kodole themenge save arakhenpen andi Dekada vash Romani Inklusja: Albanja, Bosnja thaj Hertzegovina, Czehjaki Republika, Bulgarja, Kroatzja, Hungarja, Makedonja, Montenegro, Romanja, Serbja, Slovakja, thaj Spanja.
- Aplikantura shaj te aven bivladake organizatzje, lokale governura, natzjonale strukture, vaj medjake partenera.
- Te si love kotar aver partenera trebal te avel konfirmatzja vash lende ando momento kana kerelpe aplikatzja.
Open Society Instituto ka del dzi ko 40 protzentura kotar sea e love ande jekh projketo, na maj but de USD 70,000.
Sar te manges
Aplikatzjengi forma, Anglikanes vaj Romanes, si astardi pe bango rig. Pherde aplikatzjenge formulara shaj te aven bisharde ko OSI Romani Initzjativa kethanes bisharen vi e projektosko proposalo.
Proposalura avena alosarde pala sar si lashe kerde thaj pala sar phenen e kriterje ando eligzibiliteto. Grantura avena bisharde pala o momento kana i finantzarea avela aceptujme.
Proposalura avena bisharde ko matchingfund@osi.hu.
Kotar: http://www.soros.org/initiatives/roma/focus/matching/news/matching-20100205