Europaki Romengi Polisjengi Koalitzja bisheardeas lil savo phenel so adzukerel kotar o 2to Europako Romengo Kidipe savo avela andi Cordoba, Spanja ando Aprilo 8, 2010.
Deklaratzje thaj Adzukerimata kotar o 2to Europako Romano Kidipe
O 2to Europako Romengo Kidipe si jekh vazno thaj baro shajpe vash EU institutzje thaj governura thema save den andre andi Unja, Roma sherutne thaj tzivilo sotzjeteto ka te vazden kethanes i problema vash sotzjalo chororipe thaj diskriminatzja savi marel e Romen. O Kidipe avela kerdo tal o Sherutnipe Spanjkako 8-9 April 2010 andi Cordoba, Spanja.
Europaki Romengi Polisjengi Koalitzja (ERPC) phenel vash leske objektivura thaj azukerimata vash so gindil ke trebal kerdo ka te avel jekh zoralo kidipe.
I.
Europaki Romengi Polisjengi Koalitzja (ERPC) sila bari griza vash i diskriminatzja savi dukhavel e Romen andi edukatzja (buteder i segregatzja ), kheripe (buteder zorasa dine avri anda e khera thaj chororo dzivdipe tal o standardo),bukjaripe (buteder vash o zakono pash i buki) thaj sastimasko sistemo (zorasa sterilizatzja) vash o rasismo kontra e Roma (Romaphobia) trujal e avera EU thema membrura sikavindoj rasismo ande lenge vakerimata, atakujmata mamuj e Roma tha mudarimata sea kadala trebal te aven kushinde kotar Europako sotzjeteto thaj e doshale trebal te aven bisharde andi kris. Kadea o ERPC akharel o Spanjako Sherutnipe, EU thema membrura, neve thema Europake thaj Europaki Komisja te sikavel zoralo politikano responsabiliteto ka te aven garantujme e Europake Comunitetoske zakonura ka te shinaven i diskriminatzja mamuj e Roma.
II.
O Kidipe trebal te na avel les jekh deklarativo muj vash o responsabiliteto vash polisjengi strategja, savo sikavel politikano mangipe ka te phandel o haripe mashakr e Roma thaj e avera manusha . Dikhindoj shukar vash Spanjako Sherutnipe, o ERPC mangel zor e organizatorenge vash o Kidipe thaj EU ka te arakhen jekh konkreto politikani aktzja pala e Samitoske konklusje, ka te na maj kerenpen e dosha save kerdile po Angluno Europako Romengo Kidipe kana na linepe ni politikane konklusje thaj ni konkreto proposalura na vazdile. O ERPC akharel karing Spanjako Sherutnipe te andralisarel e reshimata kotar o Dujto Romengo Kidipe ko Konsiloske Konkluzje, dindoj shuzo indikatzja vash Komunitaro aktzja .
III.
Europaki Romengi Polisjengi Koalitzja (ERPC) mangel ka Europake Komisara te avel len zor te arakhen tha maj sigo than vash Romane problemura ande lenge portfoljumura. ERPC sigjarel i Komisja ka te vazdel efektivo sistemo vash koordinatzja Komisara thaj mashkar e Direktorata-Generalo sar maj angluno objektivo ka te kerel buki vash e Roma po EU rig. Numa jekh dikhipe kethano ka kerel proba ke jekh but-sektoralno dikhipe ka anel e Roma bukja and jekh zorali thaj shukar reshipe.
IV.
Aktivo rola kotar Roma reprezentantura thaj tzivilo sotzjeteto ka te keren preparatzja vash o Samito, savi pe bibaht ni arakhleape kana kerdilo o angluno Romengo Kidipe, si jekh zoralo punkto vash o Samito. ERPC inzarel jekh invitatzja ko Spanjako Sherutnipe thhaj Europaki Komisja ka te shunen i griza thaj e mangimata e Romenge reprezentatura thaj tzivilo sotzjeteto kana avela o konzultatzjako kidipe ando Brussels thaj arakhen o drom vash durale konsultatzjake kidimata anglal o Samito.
V.
ERPC rodel te zutil thaj te del pesko dzeanglipe ka te kerelpe e polisje save de anen chacho progreso thaj te dikhenpen e resha. Europaki Romengi Platforma na dzeangleas sar te lel o dzeanglipe e Romendar reprezentativura thaj kotar o tzivilo sotzjeteto thaj te hamil les e responsabilitetosa kotar EU institutzje. I Platforma dzi akana sas dikhli sar jekh aktzja upral bi te avella ilo thaj orientatzja. Vi o mandato thaj vi e bukjake metode andi Platforma naj shuze thaj o Romano tzivilo sotzjeteto si hasardo. ERPC bisharel shukar mangipe vash o Spanjako Sherutnipe ka te tzirdel pe mashkarutno termino. I agenda vash Platforma tradindoj kotar e Desh Kethane Printzipura thaj mangel kotar o Sherutnipe te del garantzja ka o tzivilo sotzjeteto te avel andre ando protzeso.
VI.
Europako Romano Samito andi Cordoba trebal te del jekh shajpe ka te liparel i lashi praktika, te barereal e neve dikhimata thaj te kidel kethanes e initzjative. O Samito trebal te kerel jekh modelo vash i partichipatzja: aktivo, zorali thaj proportzjonalo partichipatzja kotar e Roma ando protzeso, buhlarimos thaj implementatzja vash polisje save silen vorta influentza ande Romane komuniteta. O kaliteto kotar EU thaj themenge polisje beshel ando kodo sar dzeanas te mukas maj buten te phandenpen andi partichipatzja ando polisjengo lanzto. ERPC sigjarel Spanjako Sherutnipe, Europaki Komisja, Europako Konsilo, Europako Parlamento thaj themenge governura te len so maj but manusha ka te den ekspertiza, te dikerel o djalogo puterdo e organizatzjentza thaj te arakhel kodola lashe konsultatzje e Romane komunitetentza ka te dikerel o kaliteto thaj o zoralo impakato vash Roma-polisje.
VII.
ERPC pakjal so Europaki Komisja na trebal te kerel nevi bukjaki metodologja vash modelura soske ka pharearel o dikhimos thaj o hakjarimos. O ERPC mangel te asistil UE thaj Europaki Komisja ka te hramosarel o Aktzjako Plano ka te kerel jekh komprehensivo EU Roma Polisja savo te tradel kotar i Dekada vash Romani Inklusja 2005-2015, OSCE Aktzjako Plano, e rekomandatzje kotar o Konsilo Europako, Kethane Phuvja thaj Europako Parlamento.
VIII.
Europake strukturalne angle-akcheso love del zoralo shajpe ka te barearel Romani inklusja andi Europa. I tzikni absorbtzja e fondurengi kotar EU Thema Membrura thaj thanutne autoriteta silen jekh direkto impakto vash sochjo-ekonomikani situatzja e Romengi, thaj si jekh tzikni thaj kovli monitorizatzja vash e projekti save gele pe Romani integratzja. O ERPC kerel rekomandatzje karing EU ka te shol maj angle e Romen ande sea zorale fondenge programura thaj te kerel proposalo e Themenge Membrura vash kriterje pala sar len pen kadala love, sar jekh shajpe te ginavelpe o chachikano progreso thaj o impakto vash Romengi inklusja thaj te vazdel jekh pozitivo primeri dikerindoj puterdo o protzeso.
Printable version
Email