Akharimos vash Propozalo: Granto vash Romane Dzjuvleango Zoraripen

2010.04.20

Photka: Ognjen Ademovski. Kadi fotka sas maj shukar ando "Chachipe Youth" Romani Dekada Fokengo Alosaripe (photo.romadecade.org).

Open Society Institute deas drom nevo propozalo andral leski Romane Dzjuvleango Zoraripen initzjativa, savo rodel te kerel ashunde e pharimata e Romane Dzjuvleange te zorarel lesko godorvalipe, thaj te vazdel thanutno dzeanglipen vash sar te sherutnisaren ka te aven andre ando forosko vaj gavesko dzivdipe othe kaj trajn.

Grantoski initzjativa savo kerelpe tal i Dekada vash Romani Inkluzja 2005–2015. Kadi intzjativa kamel te kerel prindzardo o gendero barabaripe zorarindoj, pe jekh rig Romane Dzjuvlean ka te len than ando protzeso savo kerel lengo dzivdipe thaj i griza vash Romane dzjuvlea si dkhindi sar mangelpe. Zumavel te del zoralo glaso e pharimaten save si e Romane dzjuvlean, te del len tzivilo godorvalipe, thaj te vazdel thanutno dzeanglipen sar te shertunisaren ande jekh inkluzivno thaj barabar rig.

Granto vash Romane Dzjuvleango Zoraripe si puterdo savore Romane bivladake organizatzje, spezjalo Romane Dzjuvleange organizatzje spetzjalo, kotar thema save si membrura andi Dekada vash Romani Inklusja: Albanja, Bulgarja, Bosnja thaj Hertzegovina, Croatzja, thaj Czehiko Republika, Hungarja, Makedonja, Montenegro, Romanja, Serbja, Slovakja thaj Spanja.

Romani Initzjativa del zor pala kodola aplikatzje save kerena ande lengi buki e riga dikhinde maj tele:

Te barearen Romane Dzjuvleangi participatzja othe kaj trajn po themesko thaj vi mashkarthemutno levelo;
Te tzirden vi e murshen te zoraren o gender barabaripe;
Te zoraren o themesko statuto e Romane Dzjuvleango;
Te kerel maj lokes o shajpe e Romane dzjuvleango ka te astaren buki;
Te kerel vareso vash e sheora save prandenpen de tzjknjara;
Te vazden romane dzjuvlea lidera thaj bukja ando komuniteto kerde dzuvleandar thaj sheorandar;
Te bukjaren ka te phagen o manushengo trafiko;
Te kerel bukja save phandenpen e Romane dzjuvleandar save si nashade kheral vaj beshen ande verver thana palo maripen (IDPs);
Te keren konzultatzja thaj te zutin pe kodola save phenenpe polisjenge mangimata po thanutno, natzjonalo thaj Europaki rig;
Te keren rodimaske projektura vash Romane dzjuvlea save len andre Romane Dzjuvlea save te keren o rodipe thaj te kerenles prindzardo e manushenge.