Czehjako Republika Sherutnipe andi Dekada maladeas ofichjalo ando Julje1, 2010, pala o festiviteto kana kerdeape transfero kotar i Slovakja ando 18to Mashkarthemutno Sherutnimasko Komiteto savo kerdeas kidipe andi Bratislava.
Mishtipe e Chavorengo, Chachimata le Dzjuvleange Czehjake Prjoriteta
Czehjako Republika jekh-bersh Sherutnipe andi Dekada vash Romengi Inkluzja maladeas ofichjalo ando Julje 1, 2010, pala o festiviteto kana kerdeape o transfero e sherutnimasko kotar Slovakja ando Junje 24-25 thaj jekh puterimasko festiviteto dikerdo kotar o Sherutno Governosko Jan Fischer andi Praga po Junje 28.
Kerindoj introduktzja vash o Czehjako governosko Programo ko ISC Kidipe andi Bratislava, Michael Kocab, o Czehjako Republika Komisjonaro vash Manushenge Chachimata thaj Sherutno andi Dekada, phendeas ke e governura, through deeds as well as words, trebal te keren kodo maj klaro vash lengo manushipe themesko kodo ke e Roma si Europake manusha.
Kocab phendeas ke o mishtipe thaj e chachimata e chavorengo Romane avela zoralo prjoriteto pe Czehjako Sherutnipe. E chachimata e dzjuvleange avela aver fokuso e governosko, thaj Romane dzjuvlea avena akharde te vakjaren pala lenge mangimata. Aver prjoriteta po Czehjako Sherutnipe si i inkluzivo edukatzja, implementatzja vash sar te anas andi praktika e polisje po thanutno levelo, thaj o dikhipe e Romengo andi medja.
Lindoj griza vash kodo ke Romengi inkluzja bukjarimata sas butivar “vash e Roma bi Romengo,” Kocab phendeas ke o Karel Holomek, sherutno andi Asochjatzja Roma andi Moravja, avela jekh zutjarno thaj ambasadoro vash Czehjako Dekadako Sherutnipe.
O angluno ISC Kidipe vash Czehjako Sherutnipe phendeape ke avela ando Septembro 30 – Oktobro 1, 2010 andi Praga.
Printable version
Email