Ande jekh lil bishardo ko Sherutno José Manuel Barroso, i Europaki Romengi Politikengi Koalitzja akhardeas karing Europaki Komisja te kerel jekh zorali pozitzja ka te marel o anti-Gypsyizmo thaj te lel i problema ande jekh politikano thaj legalo hatjaripe.
Ko: José Manuel Barroso, Sherutno andi Europaki Komisja
Cc: Koledzjumo Komisarengo
Brusselo, 13 Januarje 2012
Drago Sherutneja Barroso,
I Komisja trebal te bisharel jekh zoralo semno karing e thema membrurja te maren o anti-Gypsyizmo
I Europaki Politikengi Romengi Koalitzja (ERPC) akharel vi karing o Koledzjumo Komisarengo te kerel jekh zorali pozitzja ka te marel o anti-Gypsyizmo thaj te sikavel jekh serjozo griza vash o rasimo thaj e manushenge chachimata kerindoj politikani thaj legalo aktzja.
I situatzja le Romengi ando EU thema membrurja si numa maj phari thaj maj dukhabdi thaj naj o manushengo arakhipe thaj sochjalo inkluzja. Vi I zor thaj o maripe thaj rasjalo atakujmata sar so dikhleam o bersh kaj nakhleas andi Bulgarja thaj i Czechja Republika liparel o esheko e membrurengi thema te keren jekh klimato kaj sea e manusha te loshan thaj te avel len manushenge hakaja. E Roma maj dur trajn ando chororipe thaj nasulipe. On si viktimurja ande rasistonge atakujmata, lenge manushenge chachimata si phagle thaj ges gesestar kontra-Roma vathjarimata kerde kotar o them thaj manusha. Si maj bari i dar mashkar e Roma ande EU soke e thema membrurja nashtj te protegujl len thaj kathar vi o rezultato ke aresen te nashen anda lenge thema. Sam but grizasa vash kado zoralo anti-Roma hathjaripe thaj vash so phenen thaj sar phiraven pen e manusha, e ekstremistonge grupja thaj vi e manusha kotar themeske institutzje.
I Komisja kerdeas reaktzja lindoj godorvalipe ka te kerel monitorizatzja vash i implementatzja zokenski EU vash e Roma.1 Kadi ledzislatzja keren presja ande thema membrurja te den e Romen barabar shajmata ko siklearipe, buthjaripe, sastipen, sochjalo protektzja, kheripe thaj puterdo shajpe ko mishtipe thaj e servisurja (Barabar Mashar e Rase Direktiva 2000/43/EC).
Teleupre, sos nakhadileas dzi akana sikadeas ke kado dikhipe naj dosta ka te del e Romen o arakhipe savo trebal len andi Europa. I Komisja mukel kadi problema anti-Gypsyizmo maj but te avel reshisardi ande le themenge krisa. Teleupre, Romane manusha na dzeanen save chachimata silen, naj len lokes drom kana dzean te keren kris pe lengi briga thaj trajn kadea talo strukturalno thaj purano rasismo kotar o sistemo krisako. Kado dikhipe kerel bisterdo vi i politikani thaj sochjetetoski dimenzja savi si kontra o anti-Gypsyizmo, savo si akana muklo slobodo ande but Europake thema, savo dikhelpe ande vathjarimata ando publiko thaj vi si andi andi politika.
I Komisja trebal sigo te del zoralo dikhipe pe kadala buthja thaj te barearel lako dikhipe vash o anti-Gypsyizmo. O Koledzjumo Komisarengo trebal te kerel demonstratzja pe lesko politikano angazamento kerindoj sistematichno kushipe pozitzja po anti-Gypsyizmo ande thema membrurja, spetzjalo kodla politikane liderja. Trebal te kerel buthj leske instrumententza legalne thaj te dikhel sar te zorarel neve instrumenturja ka te maren chaches i diskriminatzja thaj i segregatzja, dikhindoj ke naj dosta impakto kotar i Dechizja kadro vash o maripe kontra o Rasismo thaj Xenofobja. I Europaki Komisja trebal te kerel o maripe kontra o anti-Gypsyizmo jekh prjoriteto andi implementatzja kotar EU Kadro vash Themengie Romengi Integratzjake Stratedzje thaj te del maj baro zutipe thaj dumo karing e thema membrurja vash lengo maripe kontra diskriminatzja.
Si sigjarimos ka o Koledzjumo Komisarengo te bisharel jekh zoralo lafi karing e thema membrurja ke trebal te avel zero tolerantza vash o anti-Gypsyizmo. Fundamentale chachimata si o ilo ande EU princhipurja, I Komisja trebal te kerel presja pe thema membrurja ka te del garantzja ke lake princhipurja si pathivale ande thema, kadea sar so kerel vi pe ekonomjake buthja.
Tumaro pathivalo,
Ando anav e ERPC
Michael Privot
ENAR Sherutno
I angluni Anglikani verzja kotar kado lil dikhen la pe chachi rig.
Printable version
Email