Hungarja leas o praizo Chertifikato vash Ververipe kotar o Xolandjaki tzivilno organizatzja Khethanipe si Zoralipe sar pakiv pala i themeski buki vash sotzjalno integratzja e Romengi.
Ando Marzto 30, 2008, Hungarja les o Chertifikato vash Ververipe kotar Dutch tzivilno organizatzja Khethanipe si Zoralipe sar pakiv pala e themeski buki vash sotzjalno integraztja e Romengi. Statosko Sekretaro Edit Rauh, kaj siles godorvalipe vash barabar shajpe ando Ministero vash Sotzjalne Bukja thaj Bukjaripe, leas praizo ando anav e Governosko Hungarjako, kaj dikerel akana o Sherutnipe Dekadako vash Romani Inklusja.
Kotar 2005, Khetanipe si Zoralipe, grantujme kotar o Holandjako governo, administratzja kotar o Rotterdam thaj verver mashkartemutne institutzje, deas pakiv manushenge, institutzjenge thaj themenge kaj astarde zorale resha ando maripe mamuj diskriminatzja.
Pala i evaluatzja kerdi kotar o DecadeWatch initzjativa, Kethanipe si Zoralipe deas pakiv Chertifikato vash Ververipe kado bersh e governoske thaj manushenge kotar Republika Hungarja sar shukar prindzaripe vash vazno rola kaj on line andi integratzja e Romengi, thaj lenge prastajmata ka te keren sea objektivura kaj arakhenpen andi Dekada vash Romani Inklusja thaj palo fakti ke vazde jekh multikulturalno sotzjeteto.
Ande lako vakerimos kana leas o praizo, Rauh lipardeas ke i Hungarja kerdeas buki ande jekh inzardi vaxteski strategja vash i integratzja e Romengi de maj but de desh bersha; kadala resha nashti te kerenpen bi jutimasa kotar Hungarjake Romane organizatzje. Kodo kerel sostar oi akhardeas e László Teleki, membro ando Hungarjko Parlamento, Orbán Kolompár, sherutno ando Natzjonalno Roma Self-Governo, thaj o Pál Ruva Farkas, membro ando Romano Integratzjako Konsilo, ka te aven lasa opre pe schena kana oi leas o praizo.
Kotar: Kethanipe si Zoralipe