Ko 9to ISC Kidipe po agor e bershesko 2006, phendeape ka "Tekxnikano Zutimasko Kethanipe" vash i Dekada—o kethanipe si akana prindzardo sar Dekadako Sekretarjato—avela vazdo ando foro Budapest, Hungarja. Kado kethanipe kerdilo zutimasa kotar Open Society Instituto, kaj vazdeas o Sekretarjato jutimasa kotar Mashkarthemutno Sherutnismasko Komiteto.
O Sekretarjato, kaj astardeas te kerel buki ando 2008, siles i maj zorali rola zutimaski andi Dekada.
Dekadako Sekretarjato:
• Zutil Dekadako Sherutnipen ka te kerel e ISC kidimata thaj varesave sektoralne bukjake grupe;
• Kerel kordinatzja mashkar e maj zorale Dekadake aktorura, andre si e governura, mashkarthemutne organizatzje thaj tzivilno sotzjeteto;
• Bukjarel khethanes governontza kaj kamen te den andre andi Dekada thaj den zutipe vash lengo kamipe ka te den andre;
• Del Zutipe ka te buxlearelpe themenge Dekadake Aktzjake Planura, thaj zutil, te si pushipe, ka te arakhel ekspertura ka te zutipe vash Dekadake prjoriteta riga sar: edukatzja, sastipen, khera thaj bukjaripe;
• Kerel kordinatzja thaj paruvel informatzja e Evropaki Komisjasa thaj aver mashkarthemutne strukture;
• Te vazdel dzeanglimasko manazmento sistemo lindoj themengo thaj mashkarthemengo dzeanglipe, thaj kidel bersheske raportura vash e Dekadake aktiviteta;
• Mukel te shorelpe informatzja mashkar e thema; thaj
• Xramosarel thaj anel andi buki komunikatzjake strategje, phangle avere initzjative, thaj e dikhimasa vash Dakadake objektivura thaj kidel politikano thaj lovengo zutipe.
Dekadako Sekretarjato si les duj manush kaj bukjaren: jekh kaj zutil thaj jekh Programosko Manazero. Maj but, aver manusha sar stafo thaj konsultantura shaj te aven line andi buki ka te zutin o Sekretarjato.
Dekadako Sekretarjato si jekh privatno fundatzja vazdi andi Hungarja sar Dekadako vash Romani Inklusja Sekretarjato Fundatzja. O sherutnimos e Fundatzjako siles pandzj-membrura Bordo vash Pakivale kotar sherutne kotar anglal thaj avdive Dekadake Sherutnimaske thema, Open Society Instituto thaj Lumjaki Banka. O Zutjarno khelel sar sekretaro vash o Bordo vash Pakivale.
E love po angluno bersh vash Dekadako Sekretarjato buki—vazdile dzj kal USD 200,000—sas dine kotar o Open Society Instituto. Pal kodo OSI phendeas ke pesko zutipe ka dzeal pe inzardo-vaxti ka te zutil o Sekretarjato, maj dur azukerelpe lovengo zutipe kotar aver Dekadake aktorura kaj si andre ando protzeso.
Dekada vash Romani Inklusja Sekretarjato Fundatzja
Károly krt. 11, 8th floor
H-1075 Budapest
Hungary
Tel: +36-1-411-1325
Fax: +36-1-411-1326
Tunde Buzetzky
Dekadako Zutjarno
E-mail: tbuzetzky@decadesecretariat.org