OSI Romengi Initzjativa rodel aplikatzje vash Fellowshipo vash Roma ande Vestikane Balkano.
Dikhipe
O Open Society Institute (OSI) si o vazno bigovernmentalo struktura savi zutil i buki ka te lashearel ekonomikani thaj sotzjalo inklusja le Romengi ando Tzentralo thaj Sud-Esto Europako. Ande palutne 15 bersha, OSI Romane-programura bukjarde pe but riga, sar si o shajpe karing i zorali edukatzja, dzuvleango zorajpe thaj gender barabaripe, sastipen, tzivilo thaj politikani partichipatzja, akcheso andi medja, zorajpe e Medjako e Romengi, te inzarel tolerantza, kulturalo diversiteto, thaj kontra -Roma hakearimata.
OSI si o maj vazno zutjarno vash i Dekada vash Romani Inklusja 2005-2015. Romengi Initzjativa sherutnisarel sea aspektura ando OSI network programura thaj aktiviteta granturenge phangle e Romendar tal o kadro e Dekadako.
Jekh vazno objektivo andi buki e Romengi ando OSI si te zorarel o kapatziteto e Romengo aktivistura ka te arakhen pengo than ande sea sfere andi politikano, ekonomikano, sotzjalo thaj kuloturalo dzivdipe. Romani Initzjativa Fellowshipo khelel jekh kritikalno rola ka te kerelpe kado objektivo. Vash kado objektivo kapaciteto-zorajpe, o fellowshipa rodel maj angle manusha aktivo vash Romane chachimata. O Felloworo siles zutipe shaj te keren trainingo thaj te zoraren pengo dzeanglipen pala sar si lenge maj mishtes ande lenge aktiviteta.
Godorvalimata
- Colektzja vash data ka te kerelpe planifikatzja thaj implementatzja vash e bukja kaj kerenpen andi OSI Romengi Initzjativa
- Comunikatzja mashkar OSI Romengi Initzjativa partenera ando regjono
- Zutipe andi planifikatzja thaj i logistika vash e kidimata, konferintze, trainingura ando regjono
- Asistentza ka te arakhen zorale Romane manusha thaj organizatzje ando regjono thaj vi lenge mangimata ka te barearen pengo kapaciteto
- Asistenzta ka te arakhen neve idea thaj aktiviteta vash Romengi Initzjativa
Mangimata
- Universiteto sikavipen
- 3 bersha bukjaki eksperientza
- Shiba – te vakearen Kroatzjaki, Bosnjaki, Serbjaki, Makedonjaki, Montenegrino shib, te vakearen Anglikani thaj Romani shib
- Te prindzarel Vestikano Balkano, leski politika thaj lesko sotzjalo konteksto
- Shukar komunikatzja, organizatzjonalo thaj analizako dzeanglipen
- Siklearipe po universitetosko levelo
- Mishto hakearipe thaj ucho levelo godorvalimasko vash Romenge chachimata
- Zoralo komputerosko dzeanglipe
- Lasho manush andi ekipa
- Eksperientza thaj intereso ka te bukjarel sar kotor ande jekh multinatzjonalo, bute-ethnikane timura
- Te mangel te phirel ando regjono
Vahtjar
Novembro 2009 - Novembro 2010
Fellowshipura inzarenpen pe 12-shona, shajmasa te aven lungjarde pala sar mangel i initzjativa.
Thanipe
Fellowshiposke kandidata trebal te trajn andi Kroatzja, Bosnja thaj Hertzegovina, Kosovo, Makedonja, Montenegro thaj Serbja
Te manges
Rugis bishar aplikatzje Anglikanes, andre te avel vi iekh lil savo te phenel sostar kames kado programo thaj o curriculum vitae, karing applications@admingroup.hu.
Aplikatzjako Termino: Oktobro 20, 2009
Pe buteder informatzje vash OSI Romengi Initzjativa, rugis tut te dikhes http://www.soros.org/initiatives/roma.
Pe buteder informatzje vash OSI Romengi Initzjativa, rugis tut te dikhes http://www.soros.org/initiatives/roma.
OSI si jekh Barabar Shajmasko angazatori savo zutil o diversiteto thaj savi na kerel diskriminatzja pala i devleski pakiv, ethniciteto, them, gendero, bersha, nasfalipe, vaj seksualo orientzja .