I Open Society Fundatzja thaj OSA Arhiva putrel o Chachipe Map fotografjako konkurso.

O konkurso si puterdo savorenge, numa e fotke trebal te aven kerde dzi po maladipe e bershesko 2005 ande thema kotor andi Dekada vash Romengi Inkluzja 2005–2015: Albanja, Bulgarja, Bosnja thaj Hertzegovina, Kroatzja, Czehja Republika, Hungarja, Makedonja, Montenegro, Romanja, Serbja, Slovakja thaj Spanja.

O maj vazno objektivo e konkursosko si te del fotografen—liduj amatora thaj profesjonstura—jekh shajpe te sikaven sar on dikhen e Romen ande komuniteta kaj beshen. Chachipe Map rodel kodola fotografje save naj len stereotipura thaj naj len bilashipe, kodola save sikaven e Romen thaj e na-Romen sar trajn kethanes save sikaven o dzjvdipe ande jekh pathivali vizja thaj save shaj te anen neve perspektive. O konkurso si les trin kategorje: Thaneske Barimata, Kethano Numitoro, thaj o Suno Kerdilo Chachipe.

Fotografje shaj te aven bisharde po konkursosko webpatrin www.chachipe.org mashkar o Oktombrje 19 thaj Nojembrje 20, 2011. E maj but informatzje vash kado puteripe shaj te aven arakhle vi andi Anglikani shib thaj Romanes thaj vi andi shib kotar tumare thema save si kotor andi Dekadake thema. O mashkarthemutno bordo ka del trin 3 gremjumura ande sakojekh kategorja—1000, 500 thaj 300 Euro—thaj shaj te del vi spetzjalo gremjura. E maj lashe avena prindzarde ando Chachipe Mapa webpatarin ando Dechembrje 2011, thaj e alosarde fotke avena shute andi ekspozitzja ko OSA Arhiva andi Budapesta po maladipe e beshesko 2012.

Ka te avel tumen informatzje vash o konkurso, "Chalolman” o Chachipe Fotografjako konkursoski patrin po Facebook.

Chachipe Map si o trito Chachipe fotografjako konkurso. Chachipe “truth” vaj “reality” Anglikanes thaj shaj te avel vi “right.”