DEKADAKO PAKIVALO FONDO – JEKH XARNIVERSJA ANGLUNOVAKERIMOS 

1. Si si o Dekadako Pakivalo Fondo? O Dekadako Pakivalo Fondo (DPF) si si jekh pakivalo Fondo vastjardo kotar Lumjaki Banka. Si jekh purani praktika ka i Lumjaki Banka te vastjarel bute donatorurengo Pakivalo Fondo sar vi kado. O DTF si pokindo vi themendar kotar i Dekada thaj vi kotar vazne partenera organizatzje. Phendeape ando Novembro 2005 ko Mashkartemutno Sherutnengo Komiteto (ISC) kidipe andar o Bukarest ka sako jekh them kotar e thema Dekadake ka den love, anglunes EUR 20,000 ko pakivalo Fondo. O Open Society Instituto deas vi ou kadala love. I Lumjaki Banka vastjarel o DTF pala sar mangle e Dekadake thema. 

2. So pokinel kado fondo? O DTF del love pe duj vazne aktiviteta (i) mashkar thema teknikano zutipe, trainingo thaj bukjakigrupa ando konteksto ke kamen te kheren khethanes buki tal o Dekadako Aktzjako Plano pe kodola khethane bukja vash o chjororipe, diskriminatzja, thaj barabaripe mashkar mursha thaj dzjuvlea, thaj (ii) monitorisatzja thaj ginavipen vash i Dekadaki laki implementatzja trujal e enja Dekadake thema. Mashkar themengo tekhnikalno zutimos shaj te len sea Dekadake thema. Sar primeri, kana jekh them kotar i Dekada kamel te dikerel jekh kidipe bukjako kaj rodel texnikani asistentza, kadea kidipe shaj te avel puterdo thaj shaj te aven manusha kotar sea thema e Dekadake. O DTF, sar dikhelpe, na kamel te pokinel themesko projekto, numa kethane aktiviteta. O DTF pokinel xarne konsultazjake love (sar ekxpertura akharde pe bukjaki grupa), drom, thaj publikatzje thaj love vash i grupa ande enja Dekadake thema. E love vash e projektura na avena kerde ka te pokinen o drom vaj aver pokin ande aktiviteta manushenge kotar i Lumjaki Banka.

3. Sar e projektura ka len love? ? O DTF si kerdo kadea ka te pokinel kethane bukja kerde kotar o ISC. O protzeso kaj del pokin pe aktiviteta si dikerdo kotar ISC membrura thaj i protzedura naj phari. E proposalura si line opre te naj reaktzja kotar e manusha kaj beshen ando panelo. Lengo ashipe si lino sar kana dine pengo glaso. E projektura aven lende, drabarde thaj akcheptujme kotar trin manusha, jekh kotar Lumjaki Banka, jekh kotar Dekadako Sherutno Them, thaj jekh kotar o avutno them kaj lel o sherutnipen. Te si situatzje sar kana maj but aplikatzje si bisharde ando seajekh vaxti ka te dikhen save si e prjoriteta o panelo, ka pushel jekh konsultativno struktura (governonge delegatura thaj sherutne kotar Romano tzivilno sotzjeteto) thaj kodola maskarthemutne partenera kaj dine love ko DTF thaj mangen lendar xarne-liste proposalurengi. Jekh xarni lista proposalurengi barearel o kaliteto e projektosko, pala sar phenel o Dekadako dikhipe, trujal, siklearipe thaj i inklusja e Romengi ka te keren projektura thaj te bisharen proposalura: sako proposalo avela ginavdo pala kriterje (dzi ko 10 punkti; e kriterje thaj sar e projektura si te aven pokinde si phendo ando attachment pe kadi rig), thaj projektura kaj si len maj but de 5 punkta avena xarnes-listujme. Maj anglunes te aven akcheptujme, sea lista proposalurengi ka avela bishardi virtualno (po email vaj interneto) te kerelpe vakerimos pe late kotar o ISC pe jekh dino vaxti. Kodola kaj na arakhenape pe xarni lista ka avela lende palpale lil. O panelo ka lel upre e komentura kaj kerel o konsultativno komiteto, bisharde ande 10 bukjake dive, kana si te den akordo pe proposalura thaj shaj te akharen e aplikantura te lashearen pengo proposalo pala sar phenen e komentura. I Lumjaki Banka, sar reprezentatinvo vash o ISC, ka del raporto ki Dekada ISC pe sako jekh kidipe vash sar dzeal i buki ando pakivalo Fondo, oi phenel so si nevo thaj save bukja kerenpe thaj save avena sigo kerde.

4. Kontakto: Pe sea tumare pushimata rugis tumen te akharen o Karthika Radhakrishnan-Nair, Tel: + 1 202 458-5939, knair@worldbank.org.  

Decade Trust Fund Proposal Form (DOC - 62K) | Decade Trust Fund Summary (PDF - 24K)

__________ 


ANNEX: Kriterje upral e e projektura – jek lokjarno punktengo sistemo

• Pala soste si o projekto (3 punkte)

        - Phandipen ke Dekadake dikhimata trajal e thema

        - So de vazno si o projekto andi implementzja vash actzjako plano
 

• Barvalipe e projektosko (3 punkte)

        - Shuze objektivura thaj chacho dikhimos ka te maladjol e objektivurentza

        - So de pakivalo si o budzeto thaj o vaxti kaj si te kerelpe o projketo

        - Kon so sikjol ando projekto
 

• Romani participatzja kana kerelpe, xramosarelpe thaj shorelpe o projekto andi praktika (2 punkte) 
   
• Savo vaznipe si les mashkar thema (2 punkte)