Pala o inchidento savo kerdilo kana jekh terno manush sas dino dab vurdonestar andi reat 23 Septembrje andi Katounitsa, sud – esto e Plovdivosko, jekh Romani familja sas doshardi thaj e manusha thaneske kerde lenge zor. Kontra -Roma protestura pukhile astarindoj so but forura anda i Bulgarja ande dive save avile. E demonstratzja ande droma kerdepe akharindoj rasismo kontra e Roma pharaindoj thaj thabarindoj lenge khera, atakujmata kontra i politzja thaj kamle te den ande Romane mahale

 

E Roma daran te traden kheral soske ande varesave thana si maripe thaj insekuriteto.

Akharindoj te kerlelpe kalmo o ERRC phenel ke si mishto te kerelpe investigatzja thaj te aven dosharde kodola save mudarde le terne chavores. O ERRC mangel i Bulgarja, lake autoriteta te keren maj dur aktzje te phanden e tenzje thaj e kontra-Roma protestura andi Bulgarja. O lil mangel i politzja thaj e prokurora te keren investigatzja vash sea mudarimata save kerdile thaj te garantujl ke lel griza vah i realo motivatzja savi beshel palal e aktzje

 

ERRC Eksekutivo Sherutno Dezideriu Gergely phendeas “ Si baro pharipe ke e radikalne fakztje dosharen grupura thaj savore Romen anda jekh brigaslo mudaripe thaj ov phenel ke kodola save kerde o mudaripe trebal te aven phandade thaj te len i maj bari zakonoski dosh pe so kerde Sea kadea.mangas ka e autoriteta anda i Bulgarja thaj i politzja te keren aktzje so maj sigo ka te keren arakhipe le Romenge manusha themeske save daran vash lengo dzivdipe.”

 

Te kamen maj but informatzja akharen o:

 

Sinan Gökçen

ERRC Medja thaj Komunikatzjako Ofisero