O Konsilo Europako Unjako, othe kaj i Germanja deas negativo voto thaj i Hungarja dikerdeas pesko voto, adoptisardeas jekh regulamino savo mukel te buhlearelpe o finatzjalo zutipe kotar Europako Regjonalo Buhlearimasko Fondo vash kherenge interventzje vash kodola save si but chorore thaj shude rigate komuniteta, othe kaj si vi Romenge komuniteta.
Ando Aprilje 26, 2010, o Konsilo Europako Unjako leas opre jekh regulamino savo mukel te buhlearelpe finantzjalo zutipe kotar o Europako Regjonalo Buhlarimasko Fondo (ERDF) vash kherenge interventzje vash kodola but chorore thaj rigate shude komuniteta, othe kaj si vi but Romenge komuniteta (6/10 + 7964/10 ADD 1). I dechizja sas lini, bi te kerelpe vakearimos, ando Generalo Bukjango Kosilo kidipe ando Luxemburgo. I Germanja sas kontra o regulamino, thaj i Hungarja dikerdeas pesko voto.
O tzilo sas te zoraren i inkluzja e Romengi thaj aver rigatune manusha dindoj lenge chachutne beshimaske kherenge konditzje. Avdive, sar 8 miljonura EU manusha si Roma—buteder de sar e manusha varesavenge themenge membrura. But Roma trajn ande jekh nasfalo chrororipe, bi te avel len chachutno beshipe thaj verver bazichne infrastruktura.
Printable version
Email