Shov episodura kotar Mundi Romani, jekh dokumentarengi serja, kerde kethanes i Romedja Fundatzja Duna Televisja, zutimasa kotar OSI Roma Dekadako Kethano Fondo, arakhenpe akana ando webpatrin.
Shov episodura Mundi Romani, jekh dokumentarengi serja kerdi kethanes kotar i Romedja Fundatzja thaj Duna Televisja zutimasa kotar OSI Roma Dekadako Kethano Fondo, arakhenpen po Video sektzja webpatrin. Mundi Romani si pe Hungriko thaj si boldo tele pe Anglikani shib.
“Paruvde Muja” (2010) Part 1 | Part 2
Kado episodo sikavel intervjura deshe zorale Romnjantza kotar i Europa. Vakearen penge gindura na sar “ dukhavde rovle manusha ’” numa godorvalimasa thaj vazne manusha save den penge gindura thaj den palpale pe pushimata save vazdenpe vash situatzja le Romengi andi Europa avdive.
“Palutno Dive ando Sulukule” (2009) Part 1 | Part 2
Kado episodo sas tzirdo ando Novembro 2008, hantzi anglal te avel perado ando Istanbulo o purano Romengo kartjero kotar o Sulukule. Del shajpe te dikhelpe ando Sulukule i shukar muzika, e manusha save trajn othe thaj ke kultura minoritetengi si dzvidi vi tala i phari zor manushengi save barjaren o foro thaj e ofichjalura e themeske. Othe kaj shinenpe e droma mashkar i Europa thaj Asja, kadaja si jekh paramisi vash o manushengo dukhajmos thaj kulturalo peravipe.
"Hohavimata – Bisterdi Paramisi Romengi kotar i Mitrovitza” (2008)
Kado episode savo leas o gremjumo sas tzirdo ando 2007 andi Kosovska-Mitrovitza, othe kaj shela Roma trajsale ando kampo pherdo plumbo, kana lenge khera sas perade e shiptarendar nashade ando 1999.
"Lashi Vita" (2008)
Kado episodo sas tzirdo andi Italja ando 2008, pala o mudaripe savo kerdilo ando Novembro 2007 kana jekh Italiaki dzjuvli mudardeala jekh Rom imigranto thaj kana vazdilea jekh bari dosh karing sea Roma, xenofobja thaj rasistura vakjarenas zorales mamuj e Roma. Andi "Lashi Vita,"i Mundi Romani ekipa phirdeas ande sea Italja thaj kerdeas intervjo savore sherutnentza autoriteta, manushikani chachimata aktivistura, changereange shere thaj vi manushentza malade pe droma.
"Ukrajna: Segregatzja andi shkola” (2008)
Kado episodo , tzirdo ando ethnikno hamime Transkarpatonge foro ando Uzhgorod, mukel te dikhelpe o dzivdipe e Romengo Ukrajnake thaj vi o komplekso sotzjalo mekanizmo savo mukel desha mijenge chavore trujal Tzentralo thaj Estikani Europa te aven bi kalitativo edukatzja soske silen ethnikani romani vitza.
"Granada: I Maya Familja” (2007)
Kado si o palutno filmo tzirdo upral o dzivdipe e manushesko Mario Maya, lumjako maj kreativno thaj baro artisto vash o flamenko thaj koregrafja. Mundi Romani geleas andi Granada andi Andalusja te arakhel i lumja e romengi “Gitanos”, Spanjake Roma, dzeandoj pe paramisj familjaki Maya.
Printable version
Email