I Dekada

I Dekada vash Romengi Inkluzja 2005–2015 si o korkoro politikano godorvalipe lino kotar Evropake governurja ka te marel i diskriminatzja kerdi kontra e Roma thaj te phandel o haripe mashkar e Roma thaj o sochjeteto. I Dekada prastel maj but ande prjoriteta riga sar si o siklearipe, buthjaripe, sastipen, thaj kheripe, thaj mangel e governondar te len dikhipe vi pe aver  buthja sar si o chororipe, diskriminatzja, thaj dzendero jekhipe.

I Dekada si jekh maskarthemutni initzjativa kaj anel pe jekh than governura, intergovernonge organizatzje, bivladake organizatzje sea kadea vi o Romano tzivilo sotzjeteto 

E deshuduj thema kaj si akana kotor andi Dekada si Albanja, Bosnja thaj Hertzegovina, Bulgarja, Kroatzja, Cheshja Republika, Ungarja, Makedonja, Montenegro, Rumunja, Serbja, Slovakja thaj Spanja. O Norwego, i Slovenja thaj e Kethane Thema Amerikake si len dikhimasko statuto.   

I Dekada vash Romengi Inkluzja 2005-2015 buthjarel pala sar phenel e Dekadake Terminurja Referentzjake. E maj zorale buthjarimaske elementurja andi Dekada si: Themenge Aktzjake Planurja, polisiengi kordinatzja, paruvdimos dzeanglimatengo, ginavipen thaj demonstratzja vash o nevjaripe thaj progreso, i partichipatzja Romengi thaj prochedure vash nevimata thaj o zutipe ekspertongo.

 

I Dekada vash Romengi Inkluzja 2005-2015 naj jekh aver nevi institutzja, birokratzja, vaj fondo. E partichipanturja governurja trebal te den resursja te astaren e reshimata, thaj te tzirden penge planurja pala e lovenge instrumenturja kotar le mashkarthemutne, themutne, thaj lidujriga donatorja.

 

Dekadaki Deklaratzja

 

Ingerindoj andi godzj o momentum kana sas i 2003 konferintza, "E Roma ande jekh Bareardi Evropa: Nevimata karing o Teharipe," ame las amaro godorvalipe pe kodo ke amare governurja  ka buthjaren karing te khosen i diskriminatzja thaj te phanden o haripe mashkar e Roma thaj sochjeteto,  pala sar arakhleape ande amare Dekadake Aktzjake Planurja.

 

Ame das amari vorba ke e bersha 2005–2015 avena e Dekadake vash Romengi Inkluzja bersha thaj las upral amende o angazmento te das vast vash i sea partichipatzja thaj o buthjaripe le Romane komunitetosko ka te arasas pe Dekadake objektivurja thaj sikavas o progreso ginavindoj e rezultati, reshimata  thaj te dikhas pala i eksperjentza  andi implementatzja e Dekadake ande  Aktzjake Planurja.

 

Akharas avere themen te aven pasha amende ande kadi buthj.

Sofja, Bulgarja, Februarje 2, 2005


Deklaratzja vash i Dekada vash Romengi Inkluzja 2005-2015