Monitorizatzja kotar Bivladako Sochjeteto

Jekh vazno barvalipe andi Dekada vash Romengi Inkluzja si i partichipatzja thaj o buthjaripe andre e Romengo kotar o chivilo sochjeteto andea sea e levelurja e Dekadake.

 

Kado sas zorales lipardo ando 3to ISC Kidipe kana buvleardeape i vizja thaj e barvalimata e Dekadake:

 

Khanchi vash amende khanchi bi amengo: Romengi partichipatzja kerela vaj phagela i Dekada. Romane reprezentativurja thaj chivilo sochjeteto organizatzje si andre ande sea levelurja e Dekadake. E Roma tzirde thaj dine definiztja vash i vizja kotar o maladipe. Romano chivilo sochieteto, grupurja thaj eksperturja arakhle e prjoriteta ande polisje thaj khelde zorali rola andi definitzja vash e Dekadake mangimata. Romengi partichipatzja avela o maj vazno zoralipe vash ges gesestar  dikhipe thaj monitorizatzja upral o procheso pe desh bersha de akanara angle.

 

E Roma reprezentativurja thaj o chivilo sochjeteto  sas len jekh zorali rola andi monitorizatzja thaj implementatzja thaj o progreso andi Dekada kotar lako maladipen. O angluno monitorizatzjako raporto - Decade Watch –kerdeas analiza vash e duj anglune bersha kotar i Dekada implementatzja. I Open Society Fundatzja thaj e Lumjaki Banka deas vast ando procheso, thaj kerdeape trainingurja thaj mentoring karing e grupa savi kerdeas o rodipe, thaj vi te buvlearelpe i methodologja, thaj deas zutipe vash e publikatzja. Pala e raporturja kotar 2005-2006  kerdeape o Decade Watch Nevjaripe raporto ando 2007. Maj palal, o palutno chiklo kotar Decade Watch reporturja sas dine avreal ando 2009.

 

Ando 2013, o Dekadako Sekretarjato deas avreal o Chivilo Sochjeteto Monitorizatzjako Raporturja ando 2012Pala jekh puterdo akharipe, o Dekadako Sekretarjato alosardeas jekh koalitzja kotar o chivilo sochjeteto (vaj Roma save sherutnisaren andre vaj silen jekh zoralo angazmento vash e Roma) kathe keren rodipe, te ginaven thaj te bolden e zorale datumurja vash i implementatzja vash e Themenge Planurja andi Dekada thaj e Themenge Stratedzje vash e Roma ande ohto Dekadake Partichipanturja Thema. E raporturja sas kerde tala o zutipe dino kotar i Fundatzja Sekretarjato e Dekadako, kethanes e OSF Romengi Initzjativa Ofiso thaj Te Keras So maj Zorales kotar EU Fondurja vash o Romengo Programo.

 

Tele kathe arakhena e linkurja karing e monitorizatzjake raporturja vash i Dekada, save sas kerde  e buthjarimasa kotar o Romengo chivilo sochjeteto organizatzje. 

 

 

Decade Watch

 

Chivilo Sochjeteto Monitorizatzjake Raporturja