Raporturja vash Dekadako Progreso

Kotar 2010, partichipanturja Governurja andi Dekada vash Romengi Inkluzja 2005-2015 bisharen Raporturja vash bershesko Dekadako Progreso vash e buthjarimata thaj implementatzja  ande lenge Dekadake Themesko Atzjako Plano. Dekadake Partichipanturja Governa dine pengo akordo vash o propozalo te bisharen bershesko Progreso Raporto ando 20to Mashkarthemutno Sherutnengo komiteto andi Praga. E Governurja dine pengiri zor te anavisaren themenge objektivurja ande riga prjoriteto sar so si o siklearipe, buthjaripe, sastipe  thaj kheripe/beshimata  thaj te shon po than monitorizatzjake mekanizmurja ka te ginavel thaj te del raporto sako jekh bersh vash o progreso kerdo kadea ka te chaches “prastelpe vash e neve problemurja, te lokearen e servisurja thaj te sigjaren i implementatzja e prjoritetengi”. I Dekadaki vash Romengi Inkluzja Sekretarjato Fundatzja buvleardeas jekh formato raportosko  ka te kerel rodimos vash e pushimata save si phangle pe prjoriteta e Dekadake. E Raporturja si bisharde kotar e Partichipanturja Governurja karing Dekadako Sekretarjato, savo dureder bisharel len karing e Dekadake partenerja thaj, te mangelpe, vi ko puterdi lumja. 

 

E Governon si len o shajpe te sikaven pengere raporturja sakojekh bersh ande jekh kidipe kotar o Mashkarthemutno Sherutnengo Komiteto kotar i Dekada (o “ISC”), thaj e bivladake sochjeteto  representativurja kotar kodola thema saven deape o shajmos  te den palpalipe vaj te prezentin pengere raporuturja. Ando 2012, o Dekadako Sekretarjato sherutnisardeas jekh initzjativa ande savi e bivladake organizatzje kotar ohto thema save si andi  Dekada kerde o raporto monitorizatzjako kotar i bivladake organizatzje rig vash Romengi inkluzja thaj integratzja thaj phende o raporto anglal sea e governonge reprezentanturja ando ISC kidipe ando Zagreb. Liduj kethanes, e progresoske raporturja thaj o chivilo sochjeteto monitorizatzjake raporturja sas mekanizmurja ka te dikhas o progreso thaj vi e pharimata andi implementatzjaki prochedura vash e Dekada Themeske Akzjake Planurja thaj Themenge Stratedzje vash Romengi Integratzja. E prezentatzje ando ISC del o shajpe vash konzultatzja avere Thementza Partichipanturja andi Dekada, bivladake organizatzje thaj mashkarthemutne organizatzje partenerja.

 

Dekadako Progreso Raporto ando 2012

 

Dekadako Progreso Raporto ando 2011

 

Dekadako Progreso Raporto ando 2010