Dekadako Sekretarjato

Kana sas o 9to ISC Kidipe po agor e bershesko 2006, deape akordo i "Tekhnikani Zutimaski Struktura" vash i Dekada— i struktura si akana prindzeardi sar Dekadako Sekretarjato—avela vazdi andi Budapesta, Hungarja. O bjandipe kadala strukturako si zutisardo kotar o Open Society Fundatzja savi si o fondatoro vash o Sekretarjato ando anav e strukturako Mashkarthemutno Sherutnengo Komiteto. 


O Sekretarjato, savo astardeas o buthjaripe ando 2008, sas i maj vazno struktura savi kerdeas o phanglipe vash e aver strukture kotar i Dekada.

 
O Dekadako Sekretarjato:

  • Del vast karing o Dekadako Sherutnipe ka te kerel ISC kidimata thaj thematichne buthjake grupja;

  • Dikerel i kordinatzja mashkar e maj vazne partenerja interesujme, vi e governurja, mashkar themutne organizatzje thaj chivilo sochjeteto;

  • Buthjarel kethanes e governurentza save mangen te den andi Dekada thaj del zutipe vash o dimos andre prochedura;

  • Del zutipe  ando buvlearipe thaj o nevjaripe ande themenge Dekadake Aktzjake  Planurja, thaj lokearel, te si o mangipe,  ekspertiza  thaj zutipe  ande Dekadake prjoriteta riga: siklearipe, sastipe kheripe thaj buthajripe;

  • Kordinisarel thaj paruvdel informatzja karing i Evropaki Komisja thaj aver mashkarthemutne strukturja; Vazdel jekh prindzearimasko managemento sistemo pe eksperjentza po themesko thaj mashkarthemutno levelo, thaj kidel e informatzje ande bersheske raporturja vash Dekadake aktiviteta;

  • Mukel the thabden e informatzje mashkar e thema kotor andi Dekada; thaj

  • Randel thaj anel andi buthj  komunikatzjake stratedzje, phangle avere zorale initzjativentza, e mangimasa te kerel prindzarde e Dekadake reshimata, rezultatja thaj prastel vash politikano thaj financhjaro zutipe. 

O Dekadako Sekretarjato si jekh privatno fundatzja ofichjalo bjandi andi Hungarja e anavesa i Dekada vash Romengi Inkluzja Sekretarjato Fundatzja. O shero struktura e Fundatzjako si e pandze-membrurja kotar o Konsilo Administratzjako savo si les andre reprezentativurja kotar o purano thaj akana Dekadako Sherutnipe Thema, o Open Society Instituto thaj i Lumjaki Banka.  O fachilitatoro buthjarel sar sekretaro ando Konsilo Administratzjako. 

 

Dekada vash Romengi Inkluzja Sekretarjato Fundatzja


Teréz krt. 46 
H-1066 Budapesta 
Hungarja

Tel: +36-1-411-1325; +36-1-269-1203 
Fax: +36-1-411-1326